價錢：Agoda$440（連稅）/1晚
房型：高級房
地址：麼地道71號
最早入住時間：15:00
一般退房時間：12:00
登記：
-雙方出示身分證後，繳交$500按金便可入住。
Check-in緊嗰時有兩個內地人士黑哂面咁投訴房入面無水，電話又壞左所以打唔到落黎⋯⋯當下已心知不妙。🥲
一開門入房已經聞到有異味，開哂燈之後間房都仲係好暗，感覺陰森恐怖。然後間房空氣唔流通、又焗又熱，仲要中央冷氣調節唔到溫度。同前台職員反映過後，幫我哋轉咗去同層既另一間房。
❌酒店設施十分殘舊，搭電梯拍卡時見到啲掣已經俾人㩒到花哂，而且部lift完全無冷氣⋯⋯好似十幾個人一齊焗桑拿咁。😵💫
房間：
轉咗房之後，雖然呢間已經算係比上一間乾淨同涼快得多，但由於酒店太多年歷史，加上一直無進行翻身工程，所以仔細睇會見到傢私邊位有崩裂+無數條花痕⋯
連電視下面既軟墊位都會好清楚見到一撻撻啡狀嘅污跡。🥲
✅設有水煲、即沖咖啡&茶包，有提供兩枝樽裝水
❌原本窗邊有長梳化+茶几，食嘢會幾方便！但見到上面啲污跡⋯我寧願喺床食。😭
❌床頭無任何插頭/USB位，手機只可放喺書枱用插頭叉電。😅
浴室：
-已配備牙具、沐浴露、洗頭水、護髮素、即棄拖鞋
睇返d相雖然設計簡陋，但望落好似都幾乾淨企理⋯⋯但現場個感覺真係唔係咁㗎！🤯
我無tone過相片顏色，但都解釋唔到點解實境同影出嚟既效果咁大出入。首先第一下覺得勁似公園入面嘅公廁，然後廁所燈光唔係普通白光，而係白到近乎藍藍地既淡光。本身已經感覺咁差，仲要對住咁多塊鏡⋯⋯
知唔知沖涼要鼓起幾大勇氣？！😵💫
❌浴缸塞係壞既，點扭都扭唔到，抆開蓋見到去水位生晒銹⋯
❌沐浴露入面係full，但唔知咩問題吱唔到出黎，最後係洗頭水當沐浴露用⋯⋯
❌其中一塊地磚成塊起咗出嚟，出入踩到都會發出「咦咦聲」，腦海浮現出好多奇怪嘅念頭⋯⋯⋯
（5星為最高分，空白=不予置評）
乾淨度：-
設施實在太殘舊，污跡、花痕無處不在，床以外地方一律不坐。😅
交通度：⭐️⭐️
尖東P2出口、海傍附近，大約行10分鐘就到達，由尖沙咀站行過去都要一段路程，唔算太方便。
性價比：-
除咗多內地人，住客亦品流複雜，時不時見到有人上房「送外賣」⋯坦白講呢間唔似酒店，似賓館。
三星酒店、賓館設備，點都唔會覺得係划算。
整體：⭐️
今次絕對係試伏之行，可一不可再。
體驗奇差，絕對不會再入住。
