由畢業到出黎做野，同男朋友一齊5年左右，佢身邊一直有個識左好耐、同佢稱兄道弟既女性朋友。開頭佢地去食飯都會叫埋我，但耐左就冇再叫過我，通常都係佢地單獨或者同班朋友一齊去。一開始我都會介意男朋友同個女仔出街，但有時會睇下佢手機 ，見佢地對話都正正常常就冇理到。
前幾日我借左男朋友部電腦返公司，開左whatsapp web版方便做野，點知原來佢冇logout，一打開就比我見到佢同緊嗰個女仔傾計，d對話內容仲要極不尋常，又話我上床好死魚，連我成日好乾都講埋出黎。
我碌返上前面睇，發現佢地對話全部都冇delete過，先知佢收埋左另一部電話，呢個係佢公司用既whatsapp ac.
佢同個女仔講，如果唔係一齊左咁多年點都有d感情，一早同我講左分手。
同佢一齊咁多年我自問對佢唔差，讀書個時佢同屋企人關係唔好，之後自己搬出去住劏房，就係因為唔想見佢咁辛苦，唔想佢咁大負擔所以同佢一齊返part time，間屋我冇份住都照幫佢比三份一租，到頭黎竟然比佢話我拖累佢，想同我分手好耐？
我睇到個下好心碎，隔一陣佢whatsapp問我返到公司未，做咩唔搵佢。我覺得呢個人真係好恐怖，點解可以同人講完有幾想同我分手，轉頭又問我做咩唔搵佢？？
我冇即刻爆佢大鑊，想睇佢場戲仲想做到幾時，我覆佢今日要開會好忙晏d再搵佢，佢覆我記得食飯唔好掛住做野餓親，俾左個😘emoji我。
然後下一秒佢就whatsapp問個女仔到邊，影左某某酒店門口話岩岩check in左，跟住send埋房號….
“我要砌到你落唔到床”
“就係中意你咁濕”
我嬲到d眼淚不斷湧出黎，睇佢地對話就知已經唔係第一次，應該已經持續左一段時間，我仲戇居居天真到信佢地只係普通朋友。我同佢周年紀念話想去staycation佢都嫌貴，成日話儲唔到錢，原來d錢拎哂同第二個女仔爆房。
個晚我收工上佢度執哂所有野走，放低埋佢屋企條鎖鑰、block哂所有關於佢既野。臨走前我開著佢部電腦，打開whatsapp web個畫面，佢睇到就應該知咩事。
呢件事教訓我唔好再咁冇條件地相信一個人，世界上係有人可以賤到咁既地步。
—————————
📫歡迎投稿：www.miss-erguotou.com (IG主頁可直接click入網站)
性愛疑難、感情問題？逐一為你解答💁🏻♀️
調教分享？性癖好？
What is your deepest, darkest fantasy or secret you have never told anyone?
SHOW ME THEN.
