價錢：Agoda $338（連稅）/1晚
房型：尊爵客房-單人床拼床房
地址：油麻地窩打老道23號
最早入住時間：15:00
一般退房時間：12:00
與Staycation性質不同，有時只想忙裡偷閒，搵個空間喘息一下，第二日一早又要繼續起身返工⋯
由收工去check in再到退房時間計算，其實真正stay係酒店既時間十個鐘都無！
所以對比起其他偏遠地區，會偏好選擇油尖旺鬧市地區既酒店，並且只著重「平、靚、正」。
重點係交通較為方便，要返工都無咁痛苦。🥲 #香港人真係好鐘意返工
登記：
我大多數check-in時間都係夜晚10-12點既鐘數，但幾乎每次入住都會見到好多對年輕情侶排隊check-in。前台一般有二至三位職員負責處理登記手續，過程算快。
（除咗情人節嗰日，三點鐘去到已經打哂蛇餅⋯⋯喺附近食完野再返到去時已經係六點，條龍不減反增！😵💫 最後認命排咗一個半鐘）
記得頭幾次去城景酒店時都係用tap and go比錢，但每次都遇上不知明問題(?)，導致職員需要處理一段時間。雖然最後都成功入住，職員亦好有耐性地解釋清楚並提出建議，避免再用預付卡網上支付。
📍入住需雙方出示身分證、填寫健康申報表，然後繳交$500按金後就可以入住。
❎不建議使用tap and go/虛擬銀行預付卡
房間：
平均$350既價錢即可預訂到尊貴間，大多數都可以提供大床房，唯獨一次撞正假日而且無哂大床房，先會選擇兩張單人床拼床既房型。（好怕拼床，有時夜晚訓訓下會「落坑」😂，中間個凹位好唔舒服）
除此以外，平多一百蚊(即$250)可以訂到更經濟實惠既「經濟間」房型。事緣有一次公眾假期，貪平諗住試下⋯⋯睇圖只覺得係房間設計色調唔同，有點殘舊同有點怪怪既感覺？但心諗去過咁多次都覺得OK，應該唔會相差太遠呱？！
點知，真係中伏！完全係賓館既格調，維記/百佳都好好多！！😭😭😭 而且隔音勁差，會不斷聽到有人出入、甚至半夜會睇到門縫有黑影飄過⋯⋯可能係我太疑神疑鬼，但總之成晚都訓得唔好，而且好有壓迫感⋯⋯
浴室：
✅已配備牙具、浴帽、梳、洗髮水，沐浴露、衛生袋、即棄拖鞋
尊貴間有浴缸、企缸之分，視乎分配，若主動要求浴缸房，職員會盡量配合。
📍雖然沖涼液唔係即棄，但係望落都算乾淨，可安心使用。（至少頂蓋唔會鋪哂塵）
📍浴缸本身不算大，底部設計會再窄身小小，所以兩個人一齊沖涼會有點逼。
（5星為最高分，空白=不予置評）
乾淨度：⭐️⭐️⭐️⭐️⭐️
環境整潔度無可挑剔，尊爵、經濟間同樣十分乾淨，只係經濟間既整體格局加上色調，令人感覺陰森恐怖。😅
交通度：⭐️⭐️⭐️⭐️⭐️
地理位置非常便利，距離地鐵站A1出口只需一分鐘路程，周圍食店林立，口味多元化又齊全👍🏻 （仲好近海底撈🤤）
性價比：⭐️⭐️⭐️⭐️⭐️
CP值高！$300幾一晚極為划算，但切記唔好book錯經濟間😞
整體：⭐️⭐️⭐️⭐️
係哩半年期間，來來回回去城景既次數至少十次以上，有時放個孖day都會平平地book返兩日去relax一下。但因為當時未有開page既想法，所以無影哂咁多間房，只有其中一次係有影低👉🏻👈🏻
有機會再補回吧！☺️
