價錢：Trip.com$555（連稅）/1晚
房型：智選標準房（包兩份早餐）
地址：大角咀道86號
最早入住時間：14:00
一般退房時間：12:00
登記：
📍入住需其中一方出示身分證、填寫健康申報表，然後繳交$500按金後就可以入住。
房間：
房間光線充足，與珀麗酒店格局十分相似，同樣喺窗口位放置一張梳化，空間雖然不大但至少唔係得張床，值得加分。💓
📍房間只有一個USB位，其餘都係三腳位，需自行配戴三腳插。
浴室：
✅已配備牙具、浴帽、梳、洗髮水沐浴露二合一、即棄拖鞋
浴室算幾大、空間夠闊落，採用一門兩用設計。
❌花灑水壓不足，同埋個熱水制好難扭
❌最憎沐浴露+洗頭水two in one☹️ 每次沖完涼個頭都會特別乾燥，吹頭既時候甩到成地頭髮⋯⋯建議考慮將兩者分返開，起碼無咁傷頭髮🥲
❌兩人入住但只提供一小枝牙膏，要「就住」黎吱。
🧖🏻♀️望到塊鏡時真係嚇咗一跳，個樣可以用面色慘白黎形容😂 由於浴室鏡左右兩邊既燈光實在太刺眼，除咗望得耐會暈暈地，黑眼圈、臉上暗粒、毛孔等等，都一覽無遺而且比平時更明顯。
廁所同房之間隔著一層透明玻璃，但個設計⋯⋯
真-係-好-似-公-廁！😅
沖身格內籠的確比其他酒店闊落，但沖涼時不斷有種去咗公共浴室間既感覺⋯⋯
當時入住無特別影到太仔細，只好上網搵返類近當日房型。（如下圖）
（5星為最高分，空白=不予置評）
乾淨度：⭐️⭐️
入住期間雖然並無發現任何特別唔乾淨既地方，但房間設計實在有點老套、廁所透光磚牆太似公廁⋯⋯再加上塊鏡長期「爆光」，照親鏡都酒光滿面，感覺真係一般般。🥲
交通度：⭐️⭐️⭐️⭐️
隔離就係希爾頓酒店，整體而言完全被比下去，但公平啲講句，三星與四星之間點都有差距，無謂比較。
🍲之前都有介紹過，酒店位置大概係旺角、油麻地中間，行去地鐵站十分鐘左右。雖然唔算特別近地鐵站，但勝在附近多串燒店、麻辣小食，落街食宵夜一流。
性價比：⭐️⭐️
其實平時係Agoda見到哩間酒店既價位大約只係$300-$400左右，今次book貴咗原因係撞正假日黃金時段。以聖誕節黎講，五百樓下既價位真係好平，但都要老套d講句「一分錢、一分貨」。
整體：⭐️
事後睇返其他人既住後價格，先知原來劣評如潮⋯⋯而且此價位有更多選擇，不會再次回頭。
