喺加拿大讀完書返嚟香港定居，本身係嗰邊有個拍咗幾年嘅男朋友，但呢幾年發生好多事，無數次爭吵後已經消磨晒對大家嘅熱情，而且雙方都冇信心long d，最終決定各自發展，和平分手做返朋友。
好多年冇返香港，同呢度嘅生活完全脫晒節，更加冇乜朋友或者社交圈子，所以返香港之後我細妹會拉埋我一齊出席佢班朋友聚會，其中一個同佢好friend嘅男仔就做咗我而家嘅男朋友。
有一次我帶佢返我屋企，咁啱我細妹唔係度，但我媽咪對佢好似好熟悉，又問點解咁耐唔見佢上嚟。我初初覺得好奇怪，都有問佢點解同我屋企人咁熟？
佢話之前有同其他朋友一齊上過嚟，所以我媽咪會認得佢都唔出奇，之後我冇再追問落去。
直到前一個月我同佢去OP玩，返到嚟諗住將嗰日用佢手機影嘅相airdrop落我部機。過完之後我睇返佢以前啲相，見到佢同我妹嘅合照，碌碌下就發現佢同我妹嘅床照，仲有埋片，拍片日期就係正我同佢曖昧期間，而發生地點就喺我屋企⋯
我好嬲，覺得自己成個傻仔咁一直蒙在鼓裏，我細妹冇提起過佢地嘅事，一直都只係講佢哋係好朋友，原來好朋友會好到上埋床？？
我將嗰日發現嘅所有床照同片，全部airdrop晒去自己部手機，而家唔知應該點做。
我覺得自己好似俾人背叛，如果佢哋真係行得正企得正，點解唔一早同我講？定係根本而家仲有嘢？我應唔應該攤牌？
最令我細思極恐嘅係，我懷疑屋企人一早知道佢同細妹嘅關係，然後全家夾埋一齊呃住我⋯
—————————
📫歡迎投稿：www.miss-erguotou.com (IG主頁可直接click入網站)
性愛疑難、感情問題？逐一為你解答💁🏻♀️
調教分享？性癖好？
What is your deepest, darkest fantasy or secret you have never told anyone?
SHOW ME THEN.