價錢：Agoda $270（連稅）/1晚
房型：高級房
地址：大角咀道86號
最早入住時間：14:00
一般退房時間：12:00
登記：
進入大堂後，右手邊有扶手電梯可搭至一樓大堂。出乎意料之外，大堂設計比想像中氣派、寬敞，各種裝飾以及梳化都帶時尚感。
去過柏麗酒店兩次，無論check-in/out都咁啱無遇到其他人，基本上去到大堂就馬上會有職員協助登記，完全無須排隊等候😂
📍入住需雙方出示身分證、填寫健康申報表，然後繳交$500按金後就可以入住。
房間：
暫時去過既酒店黎講最細應該係哩間，房間燈光偏暗，以黃光為主調。窗口位置放左一張梳化，可以兩個人坐喺梳化上面傾計，幾有情調。💓
正正因為第一次體驗不錯，所以相隔幾星期後我地決定又再encore多次。但第二次房間相對上比較殘舊，房門上紋條邊位有點脫落，房間內更兩度發現昆蟲⋯🥲
📍大床偏硬身。
浴室：
✅已配備牙具、浴帽、梳、洗髮水，沐浴露、即棄拖鞋
沖身格空間十分狹窄，一個人沖都會覺得好有壓逼感。值得一提既係浴室玻璃可以自行選擇霧面或全透明，可以一邊沖涼一邊睇電視，或者比人當電視睇(?)🤭
❌地下去水位明顯有崩裂跡象，令人唔想再係浴室stay多一秒。
📍衛生有待加強，第一次去房間比較乾淨，但encore體驗較差。😥
（5星為最高分，空白=不予置評）
乾淨度：⭐️
個人認為酒店有必要裝修一下廁所，而且encore時係房間發現有兩隻類似烏蠅狀既物體。本身覺得有機會係清潔姐姐執房時打開門，所以導致有昆蟲飛咗入黎(?)
於是我地熄哂房燈再打開房門，等佢地飛出走廊先再閂門，點知轉頭又再多三隻⋯🤢
最後check過哂全間房，懷疑係去水位飛出黎⋯最後全晚都關實浴室門，就再無出現過昆蟲了⋯⋯
交通度：⭐️⭐️
大角咀四通八達，附近有小巴、巴士可乘搭，步行至奧運站大概10分鐘左右，去旺角地鐵站就大約15-20分鐘就可去到快富街出口。
性價比：⭐️⭐️⭐️
連埋稅只需$270，以三百不到既價錢換到簡單乾淨既休息空間已算相當不錯。但第二次真係體驗奇差，衛生情況有更大進步空間。
整體：⭐️⭐️⭐️
附近有好多好野食，cafe、一人一鍋、越南菜，同埋酒店正對面有間十分高汁既茶餐廳，有時唔係住酒店都會突登行去大角咀食小菜。行去奧運站沿唔會有幾間特色酒吧，仲可以chill下先上房🏖
除了第二次遇上問題，其他一切還好，性價比高、值得一試👍🏻 即使公眾期間，一晚價格都不超過$500，確實幾抵玩。
