top of page

旺角 108館



價錢:Agoda$413(連稅)/1晚

房型:經典房(大床)

地址:旺角豉油街108號

最早入住時間:14:00

一般退房時間:12:00


登記:

-需雙方出示身分證、填寫健康申報表後,再繳交$300按金便可入住。

✅大堂提供免費咖啡機、以及POWER BANK出租服務




所住樓層總共有三間房,中間位置有一條走火通道。走廊勁有居家feel😂 但空氣不流通,出入等lift時都會覺得好焗。

❌完全不隔音,喺走廊影相時已經聽得好清楚隔離房嘅對話內容⋯(已屬正常聲量)



房間:

🔌床頭只有插頭位,沒有USB

✅有提供雪櫃,水煲及咖啡、茶包

✅有提供兩支樽裝水

❌沒有衣櫃,但有晾衫桿

初初入房時覺得除咗潮濕味重咗少少以外,大致上都無乜問題。房間空間不大,一眼已經望得哂,但比人感覺都算幾乾淨。


冷氣機風口位對正床上方,被風吹到頭都痛埋,但較細又會太焗同埋濕氣好重。😵‍💫

大床反而訓得幾舒服,床褥偏軟身,而且好有彈性!👍🏻



浴室:

✅已配備牙具、沐浴露、洗髮水

✅即棄拖鞋唔hea,有返小小厚度唔會好似踩白紙😂


🚽廁所入面發現一、兩隻蚊滋仔,幸好放走咗之後就無再出現過,至少確定唔係水渠位飛出嚟,可能係清潔姐姐執房時飛入嚟,但唔多唔少都會扣咗小小分。


🚿上一次介紹逸東酒店時有講過水溫不穩嘅問題,但對比起今次就真係「小巫見大巫」!

我平時一向習慣沖開熱水涼,所以對熱度都有返咁上下承受力。啱啱開始沖嘅時候其實已經feel到水溫時冷時熱,但仍算可以接受範圍之內。但當沖到接近尾段,溫度相差距離越黎越大!即使較咗凍水都好,每隔兩秒就會轉一次「滾水」、然後又變返凍水⋯⋯


🧖🏻‍♀️浴室有冰火N重奏的特別體驗

❌風筒唔夠力,坐床吹冷氣會比風筒更快乾⋯



(5星為最高分,空白=不予置評)


乾淨度:

房間窗上有無數個手印⋯⋯最後決定拉埋道窗簾「眼不見為淨」,明白好多人鍾意對住窗口推~但若然酒店不常抹窗的話,夜晚望住道「手印牆」真係會有幾分毛管棟!😨

❌房間比較大塵,再加上燈光影響,不斷見到有毛毛、塵粒等等懸浮物喺空中飄浮。

❌同埋杯上面有好多黑色點點,建議飲返樽裝水算😂


交通度:⭐️⭐️⭐️⭐️⭐️

呢方面值得比滿分💯

酒店喺正豉油街,附近有戲院、各種不同類型嘅食肆,例如花園餐廳、快樂小羊火鍋、泰菜⋯⋯等等,美食應有盡有。

距離油麻地/旺角地鐵站都好近,路程大約10分鐘左右,行去旺角東站就只需5-7分鐘。


性價比:⭐️

因為今次係暑假期間book,所以價錢都會比平時稍貴小小,呢方面可以理解。其實平時價錢大約$300頭左右。但酒店硬件配套欠佳,會令人覺得不值此價。


整體:⭐️

若然緊火的話,近近地租幾個鐘爆房還可以,但過夜就應該無下次了。

193 次查看0 則留言

最新文章

查看全部
bottom of page