top of page

《旺角 帝京酒店》



價錢:Agoda$515

房型:Plaza Deluxe Queen Room(獲免費升級至行政客房、延遲退房時間至1200pm)

地址:旺角太子道西193號

最早入住時間:15:00

一般退房時間:11:00


登記:

-需雙方出示身分證、填寫健康申報表後,再繳交$500按金便可入住。


夜晚11點左右去到酒店check-in,當時櫃檯只有一名職員,由於有客人辦理手續時遇上問題,所以都等候咗一段時間,但酒店已儘快安排另一位職員過嚟處理其他客人。

職員態度十分親切有禮,更主動提出幫我哋免費升級至行政客房,另加延遲退房時間至12:00pm。(真係諗都無諗過!好驚喜🤯)

✅等候期間見到Lobby有一家四口想影相,門口職員立即行去詢問洗唔洗幫手,當下已經覺得職員好細心!👍🏻



✅大堂設有兩部售賣機,可購買飲品、零食、即食杯麵等等。



💡走廊嘅灰啡色調,再配合上柔和燈光,令人對房間增添一份期待!



房間:

「嘩-嘩-嘩—!」入房後一直驚呼連連。

實在無諗過$600不到嘅價錢可以住到咁靚嘅星級房型!

🖥電視機地台設計獨特,風格簡約得嚟時尚感十足👍🏻

🔌有USB及插頭位充電

✅床身偏軟,但訓上去並無「墜下感」,訓咗成晚都唔會腰痛而且仲好好訓!

✅透過大玻璃窗可直接望入浴室。



✅設有鬧鐘、雪櫃,水煲及咖啡機、茶包

✅有提供兩支樽裝水

(房間膳食24小時供應)



浴室:

一共分開企缸、浴缸、坐廁三個部份,唔洗爭住沖涼~仲可以一齊浸浴睇電視!📺🤭

房間唔單止硬件配套充足,浴室內嘅淋浴產品亦一應俱全,除咗有基本牙具、沐浴露、洗頭水、護髮素以外,另外仲有Body lotion、男士剃鬚套裝、衛生袋、棉花棒、梳⋯⋯等等,相當貼心!❤️

✅牙刷分開白、藍兩色,唔會調亂

✅採用意大利牌子Borghese Giardino嘅沐浴套裝,成份天然、內含柑橘果木精華。前調有檸檬香+強烈柑橘,中調有微甜蘭花味,再到後調會化為淡淡木香味。

✅浸浴時可將浴室燈光較暗,環境十分浪漫、好有情調⋯⋯🤭

✅設有智能浴簾,若與友人同行亦能保障大家私隱




(5星為最高分,空白=不予置評)


乾淨度:⭐️⭐️⭐️⭐️⭐️

真係可以用一塵不染嚟形容,絕無誇大成份!

無論係茶水吧、全身鏡、組合櫃、書桌,甚至係一啲極其細微嘅位置,都搵唔到一粒塵或者污跡!

平時我絕對唔敢用酒店供應嘅毛巾,呢間除外!👍🏻


交通度:⭐️⭐️⭐️⭐️

帝京酒店位於旺角東站上蓋,貫通七層購物中心新世纪廣場,附近有旺角站和太子站兩個地鐵車站,交通非常方便

沿著行人天橋步行15分鐘內可直達旺角鬧市,如花園街、旺角中心、TOP⋯⋯等等多個購物商場。


性價比:⭐️⭐️⭐️⭐️⭐️

$515入住行政房簡直係抵到爛!

就算無免費升級,我都對其他房型十分有信心。(圖為原先預定的房型)



整體:⭐️⭐️⭐️⭐️⭐️

四個字形容:「無可挑剔!」

由酒店嘅建築設計、再到硬件設施、服務質素,綜合來講都十分高水準!

🥇三星價錢、五星享受,相信很快會再次入住!

240 次查看0 則留言

最新文章

查看全部
bottom of page