價錢：Agoda$351（連稅）/1晚
房型：Urban（大床）
地址：旺角豉油街118號
最早入住時間：14:00
一般退房時間：12:00
登記：
-需雙方出示身分證、填寫健康申報表後，再繳交$500按金便可入住。
✅有吸煙/非吸煙房型可選擇，職員會在登記時詢問，如有需要可主動要求
以平日來講都算幾多人，下午2點到達酒店時已經見到有5、6 pair情侶排隊等候check-in。
雖然櫃檯只有兩位職員，但處理過程非常迅速，唔洗15分鐘就上到房～
🏮大堂燈望落好似燈籠，極具中式風味😍
💡走廊上方燈位以流線型設計，比人感覺好立體！👍🏻
房間：
入到房即刻俾落地玻璃窗+小餐枱吸引咗過去！！！
可以坐喺窗邊望下外面景色，雖然只係普通城景，但勝在感覺舒適。而且有兩張櫈食嘢都方便好多，嘆埋杯咖啡認真一流～👍🏻👍🏻😍
房間雖小但五臟俱全，除咗無衣櫃以外，其他配套都準備得十分充足。因為今次揀咗非吸煙房，所以即使無衣櫃都問題不大。
若然係吸煙房，就會比較擔心衣物吸煙味嘅問題了⋯⋯🤢
床褥偏硬，呢方面就好睇個人喜好了。
因為我訓慣硬床（今次張床已經比我屋企張床軟），所以我訓得好舒服。😂😂😂
但partner就一向習慣高床軟枕，訓咗一晚已經腰酸背痛了⋯⋯
🔌只有插頭位，沒有USB
✅有提供鬧鐘、雪櫃，水煲及即沖咖啡、茶包
✅有提供兩支樽裝水
❌沒有衣櫃，但有晾衫桿
❌房間燈掣多得太誇張，而且仲要分佈係唔同角落，未計廁所燈已經有8個⋯（明明間房好細）訓覺前要逐盞燈行去熄好麻煩，如果有個總開關會更好！😂
浴室：
✅已配備牙具、二合一沐浴露、衛生袋、棉花棒&落妝棉
❌即棄拖鞋太薄，著咗都好似赤腳踩地板
🚿雖然花灑係固定式設計，但仍可調整至不同角度。而且水力強勁、水溫穩定！👍🏻
經過上次108館嘅冰火體驗後，我對酒店浴室只有兩個要求，水溫穩定、環境乾淨無昆蟲，我就已經心滿意足了。🥺🙏🏻
（5星為最高分，空白=不予置評）
乾淨度：⭐️⭐️⭐️⭐️⭐️
整體感覺良好，房間打掃得好乾淨，唔會太大塵之餘，都無出現昆蟲/蚊滋。
而且玻璃窗明顯有仔細清潔過，無發現任何指模或者手印⋯😆
交通度：⭐️⭐️⭐️⭐️⭐️
仕德福酒店正正就喺108館隔離，雖然兩者距離只相差幾步，但質素就十分懸殊⋯
🚶🏻♀️酒店距離油麻地/旺角地鐵站大約10分鐘路程，旺角東站只需5-7分鐘。
上文有提及過酒店附近有各式各樣嘅美食，中、日、韓、台、泰都應有盡有。但今次真係要大大力推薦一下喺酒店附近嘅農米莊雞湯米線！（新寶戲院旁）
當初係被門口一句：「一碗連湯都可以飲晒既米線」吸引咗入去～🤭
然後我order咗佢哋最出名嘅椰子雞湯米線，值得一讚湯底真係完全無味精，椰子味仲好出、好鮮甜，真係成碗可以飲得哂！而且價錢平民，$50幾蚊就可以食到咁高質素嘅米線，大家有機會不妨試試～🤤👍🏻
性價比：⭐️⭐️⭐️⭐️
$400有找，價錢甚至仲平過108館，性價比高之餘又方便就腳。最重要係酒店環境、衛生狀況都屬中上，值得encore！
唯一缺點可能係房間真係比較細，同埋無衣櫃～
整體：⭐️⭐️⭐️⭐️⭐️
其實當初book完之後先見到Agoda好多差評～原本我都有啲退縮，諗緊好唔好取消轉第二間⋯但最後都決定頂硬上，睇下自己好唔好彩囉？😶
入住之後發現有部分「差評」都係誤會⋯⋯甚至係一啲只要你願意問下人、動下腦筋就會解決到嘅問題⋯⋯
例如：
1.得電視下面一個插頭位？床頭無插頭位？
房間嘅茶水位、餐枱邊、床頭都分別有一個插頭位，唔係無插頭，只係比較隱蔽～
其實只要移開小小個櫃就會見到床頭有插頭位，你只要抆走個鬧鐘插頭就可以充電⋯
2.房間入面無風筒？（最多人投訴的一項） 都係個句：「唔係無風筒，只係錯在放得太隱蔽⋯」
我唔明點解大家唔試下打去前台問？？？🤔
3.企缸內無位擺野，好唔方便！ 呢一點我十分同意，企缸內無壆位放個人物品的確幾唔方便，但其實可以借助門柄放啲比較小巧嘅物品。（如洗面奶、護髮素）
Comentários