top of page

旺角希爾頓花園酒店

已更新:2021年8月6日




價錢:Agoda $492(連稅)/1晚

房型:特大床間-設有無障礙通道

地址:旺角豉油街2號

最早入住時間:15:00

一般退房時間:12:00


登記:

收工先去check-in,當日入住時間已經係夜晚11點左右,雖然同時間入住嘅只有另外幾位遊客,但由於大堂只有一位職員負責登記手續,所以整個等候過程都唔算好快。

-出示身分證、繳交按金,並填寫健康申報表後便可入住。

📍入住需雙方出示身分證、填寫健康申報表,然後繳交$500按金後就可以入住。


房間:

今次預訂嘅房型的確偏細,但枕頭同床褥軟硬度適中,唔會感覺太硬或者太軟(好怕訓太軟身嘅床,通常第二朝都一身痛~),床頭兩邊亦設有充電位。近門口位置有一塊全身鏡,可以望住塊鏡⋯⋯😉





浴室: ✅ 已配備牙具、浴帽、梳、洗髮水,沐浴露、衛生袋、即棄拖鞋 因為當日訂房時較為趕急無睇清楚😂 上到房先知道原來設有無障礙通道,為方便輪椅使用者,浴室採用企缸設計,而且明顯比其他房型空間感更大、更寬敞,出入都比較方便,起碼朝早起身梳洗時唔需要爭廁所。

(5星為最高分,空白=不予置評) 乾淨度:⭐️⭐️⭐️ 環境尚算整潔,但可惜美中不足嘅係發現被單上「疑似」有乾咗嘅血跡。 交通度:⭐️⭐️⭐️⭐️⭐️ 位於旺角及油麻地地鐵站中間位,行過去大約只需十分鐘路程,附近有串燒店、四川麻辣小食,深夜落街食宵夜都大把選擇。 性價比:⭐️⭐️ 坦白講,雖然整體感覺不俗,如果$500一晚去計算的話,旺角區絕對有更平、更抵玩既選擇。 整體:⭐️⭐️ 間中見希爾頓係Klook有出staycation plan,價錢又唔算好貴,有機會或會考慮再去試試其他房型,但不抱太高期望。


159 次查看0 則留言

最新文章

查看全部

Comments


bottom of page