top of page

想同大家分享下關於Music&Sex <亞龍大-下流浪曲>


想同大家分享下關於「Music & Sex」☺

其實開頭我都冇諗過,只係突然諗到,無論音樂意思大唔大,都想分享俾人知多啲大家唔知、未接觸過嘅嘢。


開始之前,或者我先簡單介紹一下自己。

我係一個人地望落去好似另類嘅人,雖然我唔覺得!

90年代,我細個讀書時經常俾人恰但會反抗,當時學校同學最鍾意踢人入黑社會,自己由細到大都討厭黑社會,成日同佢哋講你哋衰過隻狗,淨係識跟人,所以差唔多日日返學都係打交。

老師都管唔住,自己成績又差,基本上讀每一級都係全校最差個班,有時放學都要扒上後門大門走人,會隨時有啲大過你幾歲嘅人等你放學帶你上山打鑊甘。

好彩其中一個家姐鍾意咗Beyond,所以我中學時期同佢一樣喜歡左搖滾樂,因為有一排出咗去九龍城讀書,所以經常去CD店,會睇封面設計而亂買CD。好快鍾意咗外國唔同嘅band或artist,而且發現咗自己真係好鍾意藝術同有刺激性嘅封面題材。❤️


因為之前嘅事都好影響我之後對性嘅不同形式,所以好似好多廢話咁!🙇

而今次就由香港唔多人識嘅歌開始,下次介紹多一隊香港之後就係外國,外國嗰邊內容一定會激好多。


香港90年代樂隊亞龍大(之後除咗黃貫其和Gary之外,其他都是LMF現今成員),在1995年出版了[大車店]album,其中一首「下流浪曲」是一首比較和「性」相關的激情慢歌,但這首歌歌詞不會像其他「性」歌一樣有好粗俗或咸濕露骨的形容詞,雖然看似普通的歌詞,但當你融入在這首歌中,歌曲與歌詞的結合就像化學作用一樣投入在這場身體遊戲中,主唱作詞者帶你進入這夢幻的激情中。



起初冇諗過呢一首簡單嘅歌同sex有咩大關係,但就每一次聽呢首歌時,都會被首歌嘅內容吸引住,因為以佢哋本身玩Alternative Rock/Metal 嘅曲風,內容當然可以大包圍啲,唔需要受拘束,亦好受香港大部份rock友嘅愛載,歌詞內不浪費時間講認識前後已開始進入劇情需要,「我心在顫抖」開始大家都要準備解放自己,幾句簡單歌詞已幻想到兩人開始溶為一體嘅感覺,歌詞不需要多,再加上結他Effect 嘅迷幻和主音亞華歇斯底里嘅唱腔唱出自己內心深處嘅想法,就像生活喺香港夜城市嘅年青人在酒吧內遇上一夜情對象,很快地和她/他預備進入激情的性愛。

「一個簡單而激情的愛」


👉🏻 音樂連結


亞龍大

下流浪曲


作詞:華

作曲:ANODIZE


夜半天空

停頓的晚空

醉眼看你音容

髮絲輕輕舞動

你一點的溫柔

我為你溶解

冰冷的指頭

緊抓我的一切


扭緊身體 祈求著愛

讓你撫摸我胸前

愛的解體 崩潰的激情


我心在顫抖

因我不能佔你所有

牽著你手 擁吻不停

投入你深溝


歇息天空

緩慢跌落酒杯中

彷彿抱你進夢

嬌羞的俏容

伸手拉我起來

依偎我心

溫暖身體帶著諒解

輕輕解你衣

釋放你的一切


扭緊身體 祈求著愛

讓愛洶湧般奔前

愛的解體 崩潰的激情


我心在顫抖

因我不能佔你所有

牽著你手 投入你深溝

與你熾熱地愛

與你熾熱地愛



—————————



📫歡迎投稿:www.miss-erguotou.com (IG主頁可直接click入網站)

性愛疑難、感情問題?逐一為你解答💁🏻‍♀️

調教分享?性癖好?

What is your deepest, darkest fantasy or secret you have never told anyone?


SHOW ME THEN.

399 次查看0 則留言

最新文章

查看全部
bottom of page