尖沙咀 山林舍

價錢：Agoda$398（連稅）/1晚

房型：Deluxe room

地址：尖沙咀山林道17-19號

最早入住時間：15:00

一般退房時間：12:00

山林舍係2021年新落成酒店，最近喺網上亦見到不少好評推介，所以上星期就決定去住返晚！💓😆

喺Agoda見到呢間酒店價位都算好平，一晚大約$300-$400價位，而且睇相都覺得房間設計超靚！

登記：

酒店職員既服務態度真係好好，值得一讚！👍🏻

當日上到4樓服務台已見到職員好用心地向一對情侶講解自助check in機既用法，而另一位staff見到我地就即刻放低手頭上既工作，帶我地去到自助check in機前教我地點用。整個過程好迅速，唔洗幾分鐘已經搞掂上房！☺️

🙅🏻‍♀️不接受18歲以下人士入住

📌自助check-in，只需輸入訂單號碼以及放上身分證，系統會自動print張Qr code出黎當房咭用。（用手機影低Qr code都可以直接scan到）

❌雖然職員有提醒要預留一、兩吋空間掃code，因為太近會scan唔到。但有幾次系統都係detect唔到⋯

唔知酒店會否考慮之後改用實體咭？

✅職員service一流！👍🏻

食完晚飯後返到酒店，用手機影低既Qr code掃咗幾次都唔成功，好彩遇到一位著住便服（應備準備返工）既女職員熱心幫忙☺️

✅有自動販賣機售賣飲品同零食（如果有埋杯麵會更好）

房間：

同Agoda睇相無任何出入，床架、地板同部分牆身都以木色為主調、配搭工業風設計，望落有種「豪華太空倉」既感覺。😂

另外有窗枱可坐，而且同床距離十分近，擺放物品亦比較方便，但無枱食野會比較麻煩。

💓床上方既孤形設計令我印象最深刻，我都想將間屋整成呢個格局！

🔌床頭兩邊各有一個USB充電位及插頭位

❌只提供兩個衣架

❌無額外提供多一套枕頭做欖枕

❌房間沒有雪櫃、水煲

✅床頭有放置鬧鐘

✅有兩枝樽裝水提供

浴室：

✅已配備牙具、二合一沐浴露、即棄拖鞋

酒店黎講呢度日用品配備比較少，for幾個鐘爆房就無大問題，但過夜黎講就略顯不足。

❌淋浴露二合一，又係慳水組合⋯而且味道好怪，聞落覺得陣味好怪⋯有啲似山楂味？

總之唔係大路人會喜歡既味道。

📌大型玻璃窗可以望出房間，個設計的確幾靚，但明顯只for情侶爆房，如果同朋友、屋企人就必定唔會選擇呢間酒店⋯ （同埋我覺得夜晚熄哂燈，嗰個位置望落特別恐怖）或者加返堂簾會好好多。

（5星為最高分，空白=不予置評）

乾淨度：⭐️⭐️⭐️

全身鏡上明顯有十分多指模同手印，我望咗塊鏡一陣，再試下用雙手跟住手印既位置拼落去⋯⋯呢個角度，明哂！🤣

交通度：⭐️⭐️⭐️⭐️⭐️

位置較接近佐敦地鐵站，上到D出口再向左手邊直行大約10分鐘就到達，行去Donki只需7-8分鐘。

山林道附近多特色酒吧，酒店樓下已有日本菜、泰菜、西餐⋯⋯十分多選擇。

性價比：⭐️⭐️⭐️⭐️⭐️

無論爆房定過夜，同樣性價比高。

但房間配套略嫌太少。

整體：⭐️⭐️⭐️⭐️

職員既服務真係好好👍🏻（要講好多次😂）

凌晨時段打去前枱但電話一直唔通，令我一度懷疑前枱係咪有指定既辦公時段。

落去4樓自動售賣機買水時見到有職員係度，先知原來係寬頻線壞咗～

知道我地肚餓想叫野食，仲建議我地不如叫foodpanda，叫我留低電話等外賣到咗再叫我落黎拎，好貼心！🥰

同埋最想試既係佢地閣樓同行政房！可惜上次撞正full booking～😔

下次有機會絕對會再入住！

📌除咗環境、價值、地段，職員既服務都係令人想再次入住的一大因素。